《美女郊遊遊》陳欣妍破碎家庭長大 靚樣惹整容疑雲：一笑置之

ViuTV行山節目《美女郊遊遊》 由「Double S」沈殷怡同陳欣妍做主持，兩位靚女喺預告時著住比堅尼行山已經吸引大家注意，節目出街後網民更瘋狂討論佢哋嘅嬌人身材同靚樣。近日有網民睇返陳欣妍六、七年前讀書時期嘅舊相，發現佢成個樣唔同晒。除咗一樣眼大大之外，塊面尖咗好多，個鼻又直過間尺，五觀愈來愈標緻，網民開始質疑佢係咪整容。有網民話陳欣妍上圍同以前一樣無咩點變，只係做多咗運動四肢瘦左。部份網民就話唔介意佢整容，靚咗就得。陳欣妍對於傳聞就一笑置之，佢唔介紹網民話佢整容，佢覺得係女大十八變。

26歲嘅陳欣妍雖然個靚樣值得研究，但其實佢自細都捱過唔少苦。長大於單親家庭嘅佢，細個時經歷家暴，爸爸有次更衝入廚房攞刀，揚言要斬殺全家。後來父母分開，佢就與媽媽同細妹同住，佢唔想俾爸爸睇死，發憤圖強考入理工大學廣告設計，之後再加入娛樂圈。