Yahoo奇摩新聞 【裝修佬話你知】讓馬桶保持潔白乾淨！9大清潔竅門
（網上圖片）
（文： 康少）
馬桶係生活中嘅必須品，馬桶嘅使用次數頻繁，而且容易沾染尿漬、糞便等污物，如果無及時清理乾淨就會形成黃斑污漬，滋生細菌，影響人體健康。頑固污漬難以去除，亦係所有家庭主婦頭痛嘅地方，以下裝修佬同大家分享馬桶嘅清潔竅門，希望幫到你。
1. 梳打粉
將半杯梳打粉撒係馬桶度，然後用滾水浸半個鐘，可以清除較輕污垢，對於頑固黃色鏽斑，將梳打粉撒係馬桶內放置10分鐘，然後用廁所刷清洗即可。 如果係頑固污漬，可搭配醋使用，充分浸透後用刷清洗，容易被忽略嘅馬桶外側底座，亦可用同樣方法清洗後用布抹乾，或用細鋼絲刷沾梳打粉擦除。
2. 可樂
將之倒入馬桶浸一個鐘，污垢一般就可以被清除，如果清除唔夠徹底，可用刷刷除，可樂嘅檸檬酸可以將玻璃質地類陶瓷上嘅污漬消除。
3. 洗頭水
如果怕用鹽酸類嘅廁所清潔劑刺激傷害小朋友，用洗頭水亦足以清潔污糟嘅馬桶，清潔方法同平時洗廁所一樣，清潔效果一樣，但刺激性低，仲無難聞氣味。
4. 白醋
將醋同清水混合倒入馬桶，浸幾個鐘，再沖走便可，既可消毒，又有除臭效果。
5. 清潔劑
對於馬桶邊緣所形成嘅黃色污垢，將舊襪綁係棍嘅一邊，係馬桶內放入適量的水，用馬桶刷清洗一次後，再倒入小許清潔劑，用刷均勻後沖走，如果污垢嚴重，可再倒少許清潔劑浸半個鐘後刷洗，每個星期一次。
6. 番梘
用一塊紗布或舊絲襪，將番梘裝入後紮緊掛係馬桶水箱度，番梘溶係水中，可以起到清潔馬桶嘅作用，至於平時較易忽略嘅馬桶外側底座，應用清潔劑清洗一次，再用水沖洗乾淨，最後，乾淨抹布抹乾便可。
7. 巧除馬桶水垢
洗手盤或馬桶，經常黏水垢污漬，難以去除，可以利用耐水砂紙輕輕摩擦，會有意想不到嘅效果。
8. 巧除馬桶儲水箱黃垢
造成黃垢嘅主要原因係來自水中嘅礦物質，如果產生黃斑嘅話，可用布塞住出水口，注入熱水後再溶入少許漂白水，靜置10分鐘後再用刷刷洗。
9. 去除馬桶尿垢技巧
先將馬桶內嘅水分排走，水分留得越少越好，然後將漂白水倒係廁所刷上伸進馬桶內壁及底部曲頸各處，然後最少浸半個鐘再用清水沖洗，黃漬同臭味就會隨漂白水清除乾淨。裝修佬提示，漂白水唔可以同任何酸性洗潔劑同時使用，以免產生氯氣，造成危險。
（以上圖片均來自網路，如有任何版權問題，請與本站聯絡）
資訊由熱新聞提供
原文連結: 裝修佬話你知:清潔馬桶竅門 (康少)
更多相關內容
裝修佬
致力於令香港沒有麻煩/爛尾的裝修。為實現這個使命，全體裝修佬成員不斷努力，推動裝修、建材、家居市場的規範化，改變著數千萬家庭的裝修方式和置家理念，為用戶創造卓越的互聯網裝修體驗。
