話時話：成世人無可能永遠順風順水 懂得面對低潮才是學問

自2004年出道年嘅衛蘭Janice最近係一個非正式嘅網民投票中被選為靚聲王，對於有人認為佢係樂壇滄海遺珠，Janice就認為係一件好事因為至少有人仲記得同欣賞佢，而且佢仲宣佈會係出年一月係紅館開演唱會添。經常有人評論Janice「成也黎明、敗也黎明」，但佢就指黎明係事業上幫咗佢好多，並提醒Janice可以係樂壇唱歌係一種榮幸，即使人有起落都係一件好事。

一世人流流長，總會有高低起伏唔會永遠都咁順風順水，係高位時自然無憂無慮，但係低位時又應該點樣面對呢？

調整心態

當世事不䀆如人意時，少不免會有一股無力感，覺得點做都做唔好感到好灰心。呢個時候最重要係保持正面嘅心態，並且做定最壞嘅打算，萬一事情真係轉壞都有心理準備。

裝備自己

縱使正係到經歷低潮，亦都唔好諗住放棄自己或者反正點都唔會成功嘅心態，反而應該趁住呢個機會多嘗試或學習新事物，始終機會係留俾有準備嘅人。

多作傾訴

遇到低谷時切忌將件事收埋一個人承受，可以嘅話就同兄弟閨密傾訴一下，即使無助解決個難題，但至少有人可以分擔下，講出黎點都好過自己屈住屈住。

不去比較

人比人始終都比死人，每個人嘅情形都唔一樣，比較起上黎都無乜意思仲隨時令自己心入面更加難受同酸溜溜，要比就同自己比較，成就更好嘅自己。

相片來源：janice_vidal@instagram