鄺潔楹澄清豪宅屬家人:唔係白食白住

鄺潔楹話豪宅唔係佢嘅,係佢屋企人。
鄺潔楹話豪宅唔係佢嘅,係佢屋企人。

「仙氣女神」鄺潔楹(Judy)日前在疫情下教大家宅在家中的解悶方法,卻意外將她的2000呢豪宅曝光。對於豪宅大公開,Judy謂:「係角度睇嘅問題啫,令大家睇落去好大咁。(幾千喎?)冇呀,但係寬敞嘅,可能我人比較細粒啦。」

睇見都舒服。
睇見都舒服。
打坐養生兼美容!
打坐養生兼美容!
梳化大到可以打觔斗!
梳化大到可以打觔斗!
重點係佢後面嘅雙門雪櫃。
重點係佢後面嘅雙門雪櫃。

鍾意上進心男仔

講到這個豪宅是家人擁有?Judy坦言都是靠家人的努力和能幹下,令她有一個舒適的居所,所以,她都好希望像家人一樣,努力過後能買到一間屬於自己的居所。問到置業會否成為將來男友或另一半的壓力?她謂:「我不嬲都鍾意男仔有上進心,當然唔係一定要買過千呎嘅樓啦,因為大家嘅未來係需要一齊去打拚,最緊要係上進心。」

後面有個大花園。
後面有個大花園。
寫意生活。
寫意生活。

有畀家用

講到有家底,沒有經濟壓力?Judy強調絕對有經濟壓力:「其實之前我同哥哥一齊住,有經歷過要一齊交租嘅時候,因為哥哥要結婚,所以我就要搬返屋企。」她續笑謂:「當然自己搬出嚟住係好貴啦,咁同屋企人住,至少有湯水照顧。」Judy謂不會白食白住,有給家用:「買餸錢都要畀架,咁我都有少少經濟能力。」她更自爆早前「搶米潮」她有份出去撲米,更抬了兩大包米回家。

King Size床。
King Size床。