Yahoo奇摩新聞 電影LOL︳惡搞米奇無手尾！血腥暴力新片Mickey's Mouse Trap 點解唔怕迪士尼告？
大人細路都喜愛嘅男神 － 米奇老鼠，點解會變成滿手鮮血殺人狂？
是咁的，仲記唔記得舊年有套西片《小熊維尼：血與蜜》，惡搞可愛Winnie The Pooh做殺人狂魔，真係盡情毀童年，不過《小》喺香港最終上唔到。
而踏入新一年，一套叫做Mickey's Mouse Trap嘅暴力新片立即出預告片，片中有個帶住米奇頭套嘅人瘋狂追殺一班後生仔女……咪住！點解米奇咁揪得？迪士尼俾咁拍嘅咩？
原來拍呢套Mickey's Mouse Trap嘅加拿大電影人，睇準1928年出品、米奇老鼠雛型嘅卡通Steamboat Willie 喺2024年正式成為公共財產，於是佢地就名正言順咁拍套戲惡搞米奇。除咗呢套Mickey's Mouse Trap之外，另一個製作人Steven LaMorte直情宣布將Steamboat Willie 拍成恐怖片，佢話原版其實有好多精神扭曲嘅恐怖場面，而家只係用另一個手法拍出來。
根據美國《時代周刊》報導，美國對卡通角色等嘅版權保障，最長去到面世後95年。計下數，1928年Steamboat Willie 面世，過咗2023年人人都可以拎嚟用。頭先提過嘅《小熊維尼：血與蜜》，都係因為Winnie The Pooh原版成為公共財產而出現。
咁以後迪士尼點算？放心，財雄勢大嘅迪記，一早擁有其他後來版本米奇嘅版權，加上專利法等等保障，實冇死。而迪記喺一堆惡搞米奇片出場後回應傳媒，話會致力捍衛更多現代版本米奇嘅版權。
更多電影文章
電影LOL︳影后茱迪科士打鬧爆新世代2宗罪︰遲到！Email文法錯晒！
電影LOL︳第81屆金球獎 《奧本海默》連掃最佳電影等5大獎
電影LOL︳回到12年前 2023年香港戲院票房總收入僅14億元
電影LOL︳環球打低迪士尼成2023年最高票房片商狂吸49億美元 贏在冇拍超級英雄片？
電影LOL︳內地愛情片《一閃一閃亮星星》搞戲院飄雪效果出事 觀眾遇「雪崩」一身泡
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
