電影LOL︳Adam Sandler繼續行演技派路線 新片Spaceman同外星蜘蛛傾心事

喺太空同隻巨型蜘蛛獨處189日，你頂唔頂得住？

近年由喜劇演員轉型嘅Adam Sandler，最新作品Spaceman都係演技行先。電影根據捷克小說家Jaroslav Kalfař著作Spaceman of Bohemia改編，故事講述太空人Jakub進行為期6個月星際漫遊任務，出發至太陽系邊緣，成個旅程並無隊友。可能因為獨處又可能因為寂寞，太空人Jakub突然意會自己婚姻亮起紅燈，即使佢重返地球，可能太太都未必等佢返嚟。而救贖佢孤獨靈魂嘅，竟然係一隻會講嘢嘅外星蜘蛛。

聽條橋，有會講嘢嘅外星蜘蛛，的確好有機會變喜劇，但最新推出嘅Trailer所見，Spaceman套戲更似一個中年男人自我反省過程，雖然故事喺太空發生，但一啲都唔竿幻。Spaceman已經確定喺下個月展開嘅柏林影長上進行全球首映，可能又會有觀眾起立鼓掌唔知幾多分鐘嘅情況。

Spaceman導演Johan Renck拍MV起家，前作有HBO劇《切爾諾貝爾：傷心的兒童》，以前蘇聯切爾諾貝爾核電廠大爆炸引發嘅幅射遺害為主軸，觀眾反應超好，更被譽為拍得住《權力遊戲》。至於戲中重要角色 － 星際蜘蛛就會由《玩謝華爾街行動》(Dumb Money飾演發動「散戶打大鱷」主人翁Keith Gill嘅Paul Dano聲演。至於飾演同寂寞的Adam Sandler聯絡嘅指揮官Isabella Rossellini，原來背景相當強勁 － 佢媽媽係一代女星Ingrid Bergman，爸爸係意大利名導羅西里尼（Roberto Rossellini ）。而Isabella曾經有過兩段婚姻，其中一位前夫就係馬田史高西斯，而Isabella嘅前男友仲有大導演大衛連治，同埋演技派男星Gary Oldman。

更多電影文章

電影LOL 今期睇咩戲︳潛行／墮下的對證／一球翻身／前任4: 英年早婚／瞞天過海／青春豬頭少年不會夢到紅書包女孩

電影LOL︳香港電影評論學會大獎 吳慷仁余香凝封最佳男女演員 《命案》成最佳電影

電影LOL︳曾國祥有份執導 Netflix今季鉅製《3體》講明唔刪文革情節

電影LOL︳老公前妻鬼魂返嚟！史提芬史匹堡30年來監修首套驚慄片 被睇好拍得住《魔鬼怪嬰》

電影LOL︳惡搞米奇無手尾！血腥暴力新片Mickey's Mouse Trap 點解唔怕迪士尼告？

電影LOL︳影后茱迪科士打鬧爆新世代2宗罪︰遲到！Email文法錯晒！

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！