Yahoo奇摩新聞 黃智雯拍《三個女人一個因》壓力爆煲，胡定欣sweet爆撐好姊妹
黃智雯入行10年，終於擔正出演《三個女人一個因》，一演就演三重性格，完全係演技大考驗！而Mandy黃智雯亦都表示因爲《三個女人一個因》，令佢壓力大到爆喊。
向來敬業樂業嘅Mandy，都會默默耕耘地工作，今次拍攝《三個女人一個因》佢就話好唔想放棄呢個機會：「今次要付出多三倍嘅努力，一時之間壓力好大，大到忍唔住爆喊」，面對情緒、壓力爆煲，好彩Mandy身邊有一班好朋友撐住佢。
《三個女人一個因》劇集雖然只喺星期日播放，但係都火速爆紅，個個都大讚黃智雯演得自然又好睇，唔少人仲力推黃智雯拎視后添！
不過工作多咗，自然壓力就大咗，由拍攝到播出以嚟，黃智雯對自己都好高要求，所以壓力都爆晒煲，呢個時候，平時好硬朗嘅胡定欣就出嚟支持好姊妹，舉動超窩心啊！
胡定欣一口氣喺instagram發布三張黃智雯嘅黑白相，第一張寫住：「方以因」。
第二張寫住：菠爺。（《三個女人一個因》中方以因的次人格，就係菠蘿椰奶 ）
第三張就係笑得好開心嘅Mandy，caption寫住黃智雯。
胡說八道會嘅御用攝影師胡定欣拍出唔同味道嘅黃智雯，仲落力地幫閨密宣傳新劇同打氣，呢份情真係好窩心，就連黃智雯都被感動到：「Love u babe just wanna say I love u 胡定欣！」。
相信黃智雯今次嘅成功，最開心一定係佢嘅好姊妹們，好閨密就係見你開心幸福同成功，仲興奮過自己成功！
前往瀏覽完整內容:
黃智雯拍《三個女人一個因》壓力爆煲，胡定欣sweet爆撐好姊妹
