Yahoo奇摩新聞 10個影響性生活嘅原因
雖然性生活對於情侶嚟講，係一樣聯繫兩人關係嘅親密體驗，能夠讓彼此透過性傳遞愛意，放鬆心情，但係喺現代社會嘅各種限制，以及受到自己本身嘅情緒影響之下，有情侶嘅性生活質素就會因此受到影響。
咁究竟喺咁多種嘅因素之下，有邊幾個係額外容易引致性生活質素下降嘅呢？
1. 口氣
前戲其實係發生性行為中其中一個重要部分，當你喺親吻愛侶嘅時候，你嘅身體就會因為受到刺激而變得非常敏感，令身體為之後更為親密嘅接觸做好準備。但試想像下當您親吻自己嘅另一半時，竟然吻出左對方5個鐘頭之前食過嘅咖哩味道，而且仲不斷聞到佢口中類似蒜蓉嘅氣味，咁就當然係會咩feel都無晒啦！所以最好都係隨時都準備好香口膠、薄荷糖。
2. 怕醜
其實同自己另一半一齊，又使咩怕醜，同埋現實當然係唔會好似AV咁經過綵排、剪接，一切都係最真嘅一面。親熱嘅時候唔小心放左個屁，又或者因為身體接觸而發出怪聲？呢啲都係好正常嘅者！一笑置之就得啦！
3. 想太多
性其實最重要嘅就係釋放自己，無須顧慮太多只需憑自己直覺就可以。當您諗得太多，例如親熱緊個腦仲諗緊帳單，咁就一定會影響性生活素質，令您無法享受性愛嘅樂趣。
4. 睇AV睇上腦
（圖片來源：popsugar）
好多人都會因為見到AV咁做而覺得可以有樣學樣，但其實AV入面嘅演員都係專業人士，開拍前嘅準備同埋對體位嘅了解都比你認識深好多，根本好多野都係正常人無法模仿。亂咁學更有可能會傷到自己同伴侶，所以都係千祈唔好亂試。另外AV始終都係一套戲，演員喺入面所享受嘅未必同現實一樣。
5. 咁又唔係完全話AV無用
雖然剛剛講過AV部分情節係現實無法模仿，但一啲基本而並非高難度嘅體位或者動作，其實你都可以同另一半試下。另外如果想提高情趣嘅話，更可以同伴侶好似AV咁玩下角色扮演。
6. 無定期洗床單
床單就算咩都無做過，用耐左就一定會有味。有好多男士因為覺得張床都係自己瞓，又唔知自己其實係習慣左自己陣味，而覺得床單無咩野就唔使換。但對於其他人黎講，床單嘅味真係一聞就聞到，所以請你都係10-14日就換一次啦！對自己都健康、清潔啲呀！
7. 心急
好多男士都會因為心急而缺乏花喺前戲嘅時間，好想快啲搞掂就可以快啲做其他野。如果你真係咁趕時間，其實不如你一個人打丁就算啦？無謂令對方難受覺得你唔想花時間同佢地有親密接觸，令人無法好好享受當中嘅快感。
8. 揀錯音樂
（圖片來源：photobucket）
有人鐘意喺親熱嘅時候播番啲音樂或者歌，調劑一下沈悶嘅氣氛。但如果你今日熱情澎拜但係就播左慢歌，咁就一定好影響大家情緒。另外如果一時大意無check自己有冇揀錯playlist，無啦啦播左首慘情分手歌就真係好大鑊啦！
9. 成日幻想覺得會好浪漫
其實性係一件好隨意嘅事，唔需要經常對佢有一個特定嘅諗法，標籤佢做一定係浪漫先叫有質素嘅性生活。只需要喺親熱嘅時候同伴侶互相配合，滿足對方就已經足夠，唔好比咁大壓力自己。
10. 將性定義為只需體力勞動
除了體力上需要付出之外，精神上的投入其實更為重要。性基本上就係用黎以最親密嘅方式聯繫你同伴侶，因此係肉體上嘅投入之餘更需要感情上的付出，咁先能夠突顯出你尊重以及深愛著對方。
【原文連結】
10個影響性生活嘅原因
