Clockenflap過百個單位傾力演出 現場氣氛高漲 網民:好氣氛到癲
全港最大型嘅音樂節Clockenflap強勢回歸!喺上星期五(3日)起,一連三日喺中環海濱舉行,成功吸引唔少本地及海外歌迷前往睇騷。喺呢三日有來自世界各地嘅過百個單位喺六個舞台上演出,除咗有本地單位pre se、KOLOR、COLLAR X RubberBand等等之外,仲有日本天團MONO、英國樂隊Arctic Monkeys、瑞典indie-pop代表The Cardigans、美國Hip-Hop代表Wu-Tang Clan、法國搖滾樂團 Phoenix及台灣創作歌手Yellow 黃宣等等。
呢個強勁陣容嘅演出豐富多元,成功迎合各種觀眾嘅口味。表演單位使出渾身解數,令到台前觀眾盡情放鬆及享受,現場氣氛相當高漲,唔少人更跟著音樂節奏跳舞。事後唔少觀眾更喺網上留言大讚氣氛好好及表現好睇,例如「表演好好睇,Collar 加油!」、「Collar嘅演出好精彩,好靚呀!」、「今日第一次聽phoenix 覺得正到爆 勁有feel」、「真係好有feel,前面個鬼婆勁high,,我攰到仆哂街都比佢感染到繼續跳」、「KOC氣氛無得輸」、「人生無憾了」、「由頭high到落尾 黃宣舞台魅力爆哂燈 FULLBAND出色 又學咗勁多廣東話係咁講」、「Phoenix 果啲舞台效果都幾靚,然後Feel到個主音真係好落力 聽到幾開心」、「好氣氛到癲」、「現場聽the cardigans 唱lovefool真係起哂雞皮」及「現場氣氛好high」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!