Yahoo奇摩新聞 
黃翠如洪永城 最佳旅遊節目拍檔 回帶歷年一起飛的日子
《我瞞結婚了》大結局喺比BBQ、打邊爐場面更爛之下完咗，網民一路罵之餘，洪永城日前在facebook專頁share咗佢同翠如BB當年在有線時期的旅遊節目片段，睇嚟係想鼓勵番翠如BB，令不少粉絲都懷念以前呢對「螢幕情侶」拍戲之前，飛出去做嘅旅遊節目。大大話話， 黃翠如洪永城 入行超過10年，對上1次一齊做旅遊節目，已經係3年前嘅《走過足球大地》，喺未知幾時先有機會再睇2人再主持旅遊節目前，不如回帶睇下佢哋嘅旅遊節目。
延伸閱讀：
爛結局出街 黃翠如洪永城 懷緬一起飛的日子
洪永城日前在facebook貼咗1條當年佢同翠如BB去南非做嘅旅遊節目，片中翠如BB仲迫Tony食新鮮馬屎！睇完呢條舊片，翠如在facebook 有感而發，懷緬同呢位「好兄弟」好拍檔一齊做旅遊節目嘅日子。翠如話：「聽說女生在這行業時間很短，我被淘汰的一天或許是你更發光發亮的一天，加油。旅遊是我們的世界，請不要放棄旅遊，除非旅遊放棄我們。」唔知係咪因為《我瞞結婚了》批評太負面，令翠如有感而發，仲話自己會被淘汰，不過粉絲都回應好想再睇 黃翠如洪永城 主持旅遊節目！希望大台肯放人啦～
第1次合作 翠如迫Tony食馬屎！
回帶睇番呢集塔斯曼尼亞片段，原來係 黃翠如洪永城 首次合作。當年2人同在有線，Tony係旅遊節目《活得很滋味》元老級開荒主持，翠如後期則由娛樂新聞台空降做旅遊節目，翠如BB仲當Tony係前輩，大讚佢做主持好放，第1次2人一齊飛的目的地，就係呢集嘅塔斯曼尼亞！
翠如轉台 跟蘇師傅環遊世界
翠如由娛樂台主播正式轉做旅遊節目前，曾經跟蘇民峰環遊世界11個國家，當時主要做蘇師傅下把，發揮算唔大。
Tony過檔now 過冷河做幕後
Tony離開有線後曾經轉行做公關，不過最後心癢癢做番旅遊節目，在now過冷河期間曾兼做幕後，負責過《一個地球》頭炮南極之旅。
翠如BB 單飛最受歡迎之作
同樣曾短暫過檔now的翠如，11年重返有線即計劃了《地平線上這個世界那些人》節目，主持得更放，在土耳其泥漿浴的照片更在高登廣泛流傳。
Tony越做越放 18禁大露股
自有線年代Tony有鋪裸體癮，在now的年代去過1次西班牙，更與女模裸體解構畢加索裸體畫，當中1節更是全面赤裸上鏡大露股，在now的自選頻道更有18禁版本播出（有打格的）！
過檔無綫 浮華大地第3度合作
雖然出身有線，一齊去過now，但翠如Tony一齊飛一齊主持的節目並唔多，去到TVB，2人在《走過浮華大地》兩輯節目終於再度合作。
最近1次 已是3年前走過的足球大地
對上1輯《走過XX大地》系列已經係3年前世界盃前，去過南美巴西、烏拉圭、西班牙、曼城、米蘭等多個足球城市，一邊睇波一邊吃喝玩樂，大家都好掛住你哋呀！
下一頁：2人專訪 回想首次合作的旅程
延伸閱讀：
