【美國︳西部】教你影出羚羊峽谷最靚一面

羚羊峽谷(Antelope Canyon)，因為唔同時間光線照射落黎會映照出唔同顏色，所以又稱為羚羊彩穴，係世界著名嘅狹縫型峽谷。入去羚羊峽谷嘅時候會有印第安人做導遊，一定要聽足佢指示，如果唔係會比佢趕番出黎嫁! 入去導賞嘅時間有限，所以一定要把握時間影相。

秘訣一:睇準時間

喺峽谷影相最重要就係光線，所以一定要計啱時間出發，千祈唔可以懶懶閒啊!

想捕捉到呢個「一柱擎天」嘅畫面，就要喺11am至1pm呢段時間入峽谷，不過相對遊客都會比較多。大家都知靚嘅野，都係「可遇不可���」，不過美西地區全年陽光都咁充沛，小編相信大家都好大機會影到。小編提提大家，出發當日如果有落雨嘅話，由於地形關係，進入峽谷會好危險，特別係下羚羊峽谷，隨時會有暴洪意外，大家唔好以身犯險啊!

秘訣二: 調一調色，麻雀都變鳳凰

大家覺唔覺得雖然上面兩張相好似一樣但係感覺爭好遠?小編要喺呢到表揚一下iPhone相機嘅偉大功能—一秒調色Tone。未調色之前嘅峽谷內部，雖然已經好靚，不過顏色就同普通泥石無乜分別。咁就滿足?小編作為一個有要求嘅遊客，影唔到「彩穴」，當然唔會收貨啦!大家都唔好咁快放棄，只要同小編一樣，將相機調做Chrome，即係金屬色，就可以影到右邊咁壯觀嘅相喇!偷偷地同大家講，其實呢個小技巧係印第安導遊教嫁嘻嘻!

秘訣三:善用全景功能

平時我哋多數都會用全景打橫影啲比較Wide嘅景色，例如夜景、海灘等等。羚羊峽谷入面又窄又高，就算趴喺地下都影唔哂，呢個時候大家就可以開啟你相機嘅全景功能，打橫部電話，再由下至上咁影，就可以影到峽谷有幾深有幾宏偉喇!

秘訣四: 落樓梯勿影

羚羊峽谷入面嘅樓梯又高又斜，唔想發生意外就要捉實扶手慢慢行。平時機不離手嘅小編都要忍一忍手，因為無論係入去前，定係入咗去之後，印第安人導遊都會不斷提醒大家上落樓梯唔可以影相。入面並唔係全部都係分明嘅樓梯，有啲斜路會比較跣，一定要小心行。如果一邊行一邊影相，一個唔覺意跌左部相機或者電話，唔單止會無哂啲靚相，仲好大機會會整傷下面嘅人!所以一定要聽足指示，小心為上。

>>【美西自然美景4日遊】大峽谷南緣、馬蹄灣、包偉湖與羚羊彩穴

▲認識KKday▲
KKday-世界旅遊體驗網站，在全球 54個國家，174 個城市， 有 6000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！
KKday 網頁: www.kkday.com
KKday Facebook: KKday