Yahoo奇摩新聞 
Uber 平過搭的士惹司機不滿，超 9 成司機表示要停機刪除App！
Uber 電召車服務近年來在各地成為科技創業界奇芭，由於其打破傳統的經營方式夠出位，以致被不少地區政府打壓或引起原有的運輸業同行不滿。為爭取更多市場份額，Uber 頻頻出新招吸客，繼擴充車輛總類及範疇後，近日更宣佈平價版的 UberX 在九龍以及新界起步的車費勁減價 20%，計落仲平過搭的士，乘客固之然開心，但一眾司機就極為不滿了。
UberX 減價詳情請睇：Uber 減起步價, 九龍新界有 8折 !!
為安撫一眾合作司機，Uber 官方已隨即向登記司機發出通知，大派定心丸表示咁做唔會令到司機收入減少，反而會因為減價吸引更多人轉搭 UberX 而令收入提升。
減價對乘客來講當然好，不過由一眾 Uber 司機反應所見似乎不太受落。現時於 Facebook 群組「Uber(香港)司機意見交流區～非官方」裡的討論所見，不少司機對 Uber 此決定極為不滿，有人發起意見投票收集，結果超過 9 成司機選擇了「停機/delete Uber Driver app」，其次是選擇「照接Call 但彈客」甚至是情願「去考的士牌，改揸的士」。
由反應所見，Uber 今次雖然擺明想搶的士界生意，不過如果得不到司機的支持，咁變相市面上可以Call到的平價 UberX 亦都會大減，最後可能大家仍然要 Call 返的士。
圖片來源：Uber(香港)司機意見交流區～非官方
此文章原刊於 Qooah.com
