Yahoo奇摩新聞 港龍客機撞車 歷年被飛機引擎吸入意外事件簿
日前香港機場發生離奇意外，停機坪中一輛客貨車竟然被一架港龍飛機引擎意外吸入，幸好客貨車只係撞爛車頂部分，司機受傷送院，並無生命危險。大家坐飛機時都可能有留意客機兩邊嘅機翼引擎，發出隆隆嘅巨大聲響，而一般民航機都係用渦扇發動式，吸力之大可以將前面30呎以外嘅成年人吸入，早前日本甚至有成個貨櫃被吸過去嘅意外！由於吸力大，只係侍機停止狀態之下都可以吸入一個人，因此無論幾時，停機坪上嘅航機引擎前面都唔可企人或者停車。不過歷年都有發生唔少引擎吸力導致嘅意外，而且唔係單單都好似今次咁好彩呢：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
印度孟買地勤慘死
2015年12月喺印度孟買機場，印度航空一輛空中巴士A319客機準備由孟買前往海得拉巴，副機長啟動引擎時，一名維修人員企得太近被捲入，即時死亡，屍身殘缺不全。當時還有百多位乘客喺機上。
(圖1: fuckyeahphysica@tumblr)
北京機場留學生影相被吸
2014年4月北京首都國際機場，一名來自加拿大嘅留學生準備乘機返加拿大時，喺停機坪準備登機時，旁邊一輛波音777正在試機，留學生諗住走近影相之時，被引擎捲入，現場骨肉飛濺非常恐怖。由於判定為留學生之錯，航空公司更向家屬追討引擎損壞之費用。
( fuckyeahphysica@tumblr)
新西蘭航空被拆下引擎吸入
2011年8月，一名新西蘭航空公司嘅飛機工程師，喺維修中心，被一個已在機翼上拆下、等待檢測嘅引擎吸入死亡。事故調查指該引擎被拆下之後，仍然通電，打開準備試驗之際，一名飛機工程師誤闖附近範圍，不幸被捲入而傷重死亡。
(runway25r@tumblr)
大阪機場華籍員工疑似自殺
2002年大阪關西機場，一輛正由停機坪慢駛向起飛跑道嘅客機，正當地勤人員向機長揮手道別之時，其中一名華籍地勤員工忽然跑向客機，最後被左引擎吸入死亡。有傳聞話係該地勤係自殺；亦有人話係機師同地勤溝通出錯，過早開動引擎，以致走避不及。
(I-aeroport@tumblr)
相關文章：
