《醉爆伴郎團》爆笑編劇最新搞作 完美靚媽瘋狂大解放

史上最賣座限制級喜劇、橫掃全球票房14億美元嘅《醉爆伴郎團》（The Hangover）系列搞鬼編劇拍檔鍾魯卡斯（Jon Lucas）同史葛摩亞（Scott Moore），一連三集玩厭伴郎團後，終於重出江湖，話要幫一班靚媽解開種種束縛，等佢哋可以自我放縱放縱，喪玩特玩，嚟一個自由大解放！今次佢地仲親自擔任導演，唔知一班荷里活「靚媽」又招唔招架得住呢？

BAD MOMS

美滿嘅婚姻、醒目嘅仔女、靚靚嘅家居、誘人嘅body、成功嘅事業……乜做一個完美嘅女人要符合咁多條件？喺生活壓力咁大嘅社會，似乎好難有齊晒，但係佢做得到！不過佢樣樣事都太上心，搞到自己身心俱疲，冇晒精力，時不時仲攰到趴低。如果係咁，你又濟唔濟？諗唔掂數？唔緊要，畀啲時間你諗下。

今次嘅「靚媽」陣容鼎盛，睇嚟佢哋都真係幾大壓力下喎！《黑天鵝》（Black Swan）金球提名性感女星米娜古妮絲（Mila Kunis）、《羅馬嫁期》（When In Rome）人氣女星姬絲汀貝兒（Kristen Bell）、《搶閘男主播》（Anchorman）系列女星姬絲汀娜艾普姬（Christina Applegate）、《發夢王大歷險》（The Secret Life of Walter Mitty）女星嘉芙蓮漢恩（Kathryn Hahn）等荷里活人妻靚媽都會齊齊喺大銀幕現身，話畀觀眾知靚媽唔易做，所以佢哋今次要徹底發洩下！

諗完未呢？「不過，聽朝家教會好似有個會要開喎……」傻的嗎，仲掛住嗰班師奶？我係你就乖乖哋入場跟呢班靚媽學下嘢喇！

資訊由熱新聞提供
原文連結: 《醉爆伴郎團》爆笑編劇最新搞作 完美靚媽瘋狂大解放

更多相關內容

《使徒行者》阿佘被古仔任玩唔嬲 大呼「我PAT PAT唔會走位」

jetsoapp
『消閒』著數優惠網 Jetsoapp.com 除了每天致力為你搜羅全港各大不同的折扣、試用、抽獎、團購等著數優惠資訊以外，還為你提供城中熱話、娛樂消閒資訊讓你隨時有話題與朋友分享。