Yahoo奇摩新聞 電影LOL︳《水行俠》續集宣傳啟動 Elon Musk分享舊愛Amber Heard 私照幫手做勢？
DC大片《水行俠》續集拍足5年，期間經歷華納影業人事大地震、女主角Amber Heard官司纏身形象插水，最大鑊係多次補拍傳聞越拍越差，不過近日導演溫子仁出嚟辟謠指傳聞無一真實。點都好，續集《水行俠：失落王國》鐵定今年年底上映，仲放出首波宣傳照添！
DC電影宇宙似乎除咗「暗黑系」 － Joaquin Phoenix套《小丑》及Robert Pattinson 嘅《蝙蝠俠》外，無一套收得。《神奇女俠1984》、《閃電俠》全部雷聲大雨點小。本來《水行俠》票房口碑理想，仲捧紅埋男主角Jason Mamoa，應該乘勝追擊，不過續集拖足5年，難怪外界對《水》諸多揣測。
導演溫子仁近日就Entertainment Weekly 訪問時表示，華納高層人事變動對佢無影響，無論係上一任嘅Hamada定現任嘅James Gunn皆給予佢充足嘅自由度，絕少干涉其創作過程，《水行俠2》受高層左右之說並示成立。
另外導演澄清「補拍越拍越差」嘅傳聞，話大製作電影經常補拍或重拍，係正常嘅。而且係受疫情影響，加上演員們檔期不一，唯有各自分開補拍，每次可能只係補拍一兩個鏡頭，其實所有補拍日數加埋根本唔多。
觀眾相當關心Amber Heard飾演嘅Mera，係咪一如傳聞所講，因為同Johnny Depp嘅官司醜聞而被大幅刪減戲份。導演溫子仁同華納前高層Walter Hamada出庭嘅供詞甚相似，表示首集係「水行俠」Arthur同Mera嘅旅程，但去到第2集，故事就集中於Arthur與其弟弟Orm （Patrick Wilson飾）嘅兄弟情，並唔係因為官司而刪減Heard戲份。
無論係咪因為官司而減戲份，《水行俠2》無疑因為Amber Heard而得到大量媒體曝光。就算今集唔係主線，依然存在感十足。其好識搞噱頭嘅首富前男友Elon Musk唔知係明踩暗幫忙定純粹想SHOW OFF，喺佢個社交平台X到出post，令Amber Heard再次成為熱話！
話說Musk最近出自傳，書中提到佢覺得前女友Heard，好似佢鍾意嘅遊戲Overwatch角色Mercy。Heard知道後專登用咗2個月整套Mercy裝同佢Roleplay，內容一出引嚟唔少game迷談論。本來自傳得文字無圖無真相，讀者只能腦補，不過Elon Musk忍唔住要分享，親自貼出Heard cosplay美照！公開私人密照其實唔係幾好，但換俾佢咁搞一搞，確實幫Amber Heard挽回不少人氣！
更多電影文章
電影LOL 今期睇咩戲︳威尼斯謀殺案／七月返歸／說笑之人／手靈／愛很自私／東京復仇者2血腥萬聖節篇-命運
電影LOL︳姜濤台灣宣傳《我的天堂城市》 姜糖逼爆西門町 獻螢幕初吻強調有漱口
電影LOL︳《復仇者聯盟6》導演人選3大熱門 有2個拍過Marvel作品 另一位同超級英雄片大纜扯唔埋？
電影LOL︳千禧童界潮片《非常小特務》23年後再有續集 今次又要細路救邊個？
電影LOL︳The Rock 10年前舊作《毒火線》 點解忽然打入Netflix收視十大
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
