電影LOL︳奧利華史東開地圖炮 鬧Ryan Gosling拍《芭比》嘥時間 John Wick睇到瞓著

星期一，食吓花生先。

老牌導演奧利華史東(Oliver Stone)接受傳媒City A.M訪問宣傳新紀錄片Nuclear Now時，順手開個地圖炮炸爆新一代！話說記者為咗同史東破冰，提到《芭比Barbie》生產商Mattel老細講笑話想知史東導演會唔會幫手拍Barbie續集，點知史東一句飛埋嚟「荒謬」(Ridiculous)！然後佢就話《芭比Barbie》男主角Ryan Gosling如果為錢拍呢套戲係嘥時間，認為對方要拍啲正經戲，唔好跟埋荷里活一齊「巨嬰化」（infantilization） 。

之後奧利華史東開咗掣停唔到，大鬧而家啲戲一味夢幻化，連戰爭片都係咁，又話曾經好鍾意《狂野時速》，但係而家《狂》變咗Marvel片咁，撞車撞到數唔清。之後話題轉去講坐飛機，奧利華史東鬧爆維珍航空啲位好窄，然後突然講起之前坐維珍飛英國時睇咗奇洛李維斯近年力作《殺神John Wick》，佢老人家話套戲3個幾鐘，佢瞓咗778次！

76歲嘅奧利華史東過去作品有《天生殺人狂》、《華爾街》、《生於七月四日》等，拎過奧斯卡，有返咁上下地位當然唔怕得罪人。以今時今日嘅風氣，頭先嗰啲負評加埋舊作嘅英雄主義，足以令佢被消失，奧利華史東都有講起近年娛圈將言論行為犯錯嘅人飛起嘅「取消文化」（cancel culture），佢話近年太多有才華嘅人被取消，令個世界好悶好空洞，應該顧及各種想法先可以令個世界更好。

大導演咁搶口，佢套新紀錄片Nuclear Now都相當有爭議性，因為喺環保浪潮之下，套戲係想表達支持核能發電嘅訊息。奧利華史東話因為呢個角度而令佢地好難籌集資金，記者問到最後點成事，一直冇咩出聲嘅監製就幫口話，有好多慈善家同商人課金俾佢地喎……

更多電影文章

電影LOL 今期睇咩戲︳源生罪／不是你不愛你／蜂神惡殺／法拉利／真的狠愛你／達利：慾望之謎／萬里千尋／不虛此行／ANOTHER SIDE ...... JOEY . MY SECRET . LIVE

電影LOL︳Adam Sandler繼續行演技派路線 新片Spaceman同外星蜘蛛傾心事

電影LOL︳香港電影評論學會大獎 吳慷仁余香凝封最佳男女演員 《命案》成最佳電影

電影LOL︳曾國祥有份執導 Netflix今季鉅製《3體》講明唔刪文革情節

電影LOL︳老公前妻鬼魂返嚟！史提芬史匹堡30年來監修首套驚慄片 被睇好拍得住《魔鬼怪嬰》

電影LOL︳惡搞米奇無手尾！血腥暴力新片Mickey's Mouse Trap 點解唔怕迪士尼告？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！