Yahoo奇摩新聞 Yesnews Style
獲讚就識「自我膨脹」？一個反映你內心世界嘅公仔！
社交網絡興起左之後，我地每一日嘅生活都幾乎係同佢密不可分，無時無刻無論係發出或者接受資訊，大家都會首先睇左Facebook先，變成左生活上一個特定動作。而為左滿足個人虛榮感，好多人都會非常留意自己喺社教網上所收到嘅Like、留言，有或者轉發次數，令人長期沉醉獲讚嘅良好感覺當中。
然後可能因為捕捉到大部份人嘅呢種情緒，外國就有一家創意公司拍攝左一樣疑似惡搞嘅產品意念影片，話一粒公仔就可以反映出一個人嘅內心世界咁話口喎。究竟佢係點樣做到？我地一齊黎睇睇啦！
▼根據RXM創意公司描述，唔少人喺社交網絡上遇到挫折，例如影唔到最靚嘅相、無人讚好就會情緒低落，變得非常容易嬲。
▼然後為左令人了解自己嘅情緒，RXM創意公司就聲稱希望製作出一個會「自我膨脹」嘅公仔。
▼ 只要將公仔連結社交網絡帳戶。
▼遇到社交網絡得到好多人讚好嘅時候，公仔就會充氣。
▼無人Like嘅時候，相反就會洩氣。
雖然未知呢個產品嘅意念係唔係真係可是實體化，推出市面，但對於公司創意總監黎講，呢樣騎呢嘅產品就已經為唔少人帶來左一個需要反思嘅訊息，就係究竟社交網絡係幾咁影響住每一個人嘅情緒，同埋人係點樣被佢牽住鼻子走。
希望大家喺睇到呢個公仔之後，都識得放鬆一下自己，唔好因為社交網一時所出現嘅事而感到氣餒啦！
全片：
圖片及資料來源：RXM Creative
